Ніста́гм (ад стар.-грэч.: νυσταγμός — дрымота) — міжвольныя рытмічныя двухфазныя (хутка і павольна) рухі вочных яблыкаў у чалавека і жывёл. Бывае адна- і двухбаковы (часцей); гарызантальны, вярчальны, вертыкальны і дыяганальны. Назіраецца ў здаровым стане, напрыклад, пры працяглым вярчэнні на крэсле, фіксацыі позірку на прадметах, што хутка рухаюцца; у паталагічным стане пры хваробах ЦНС, пашкоджаннях і захворваннях мозга, вушнога лабірынта і інш.