Нікульск — возера ў Браслаўскім раёне Віцебскай вобласці, за 22 км на паўночны ўсход ад горада Браслаў, за 3 км на ўсход ад хутара Дзяргова, сярод ляснога масіву Друйская дача, у басейне ракі Друйка. Належыць да Абабіцкай групы азёр і знаходзіцца на тэрыторыі Нацыянальнага парка «Браслаўскія азёры».
Плошча паверхні 0,02 км². Даўжыня 0,3 км, найбольшая шырыня 0,12 км. Даўжыня берагавой лініі 0,75 км.
Схілы катлавіны на паўднёвым усходзе, паўднёвым захадзе і захадзе стромкія, вышынёй 10 м, на поўначы і поўдні забалочаныя. Выцякае ручай у возера Берца.