Нікасійскі ўніверсітэт (грэч.: Πανεπιστήμιο Λευκωσίας) — кіпрская прыватная вышэйшая навучальная ўстанова са статусам універсітэта з сядзібай у горадзе Нікасія.
Гэта самы буйны прыватны ўніверсітэт на Кіпры. Універсітэт таксама мае свае прадстаўніцтвы ў Афінах, Бухарэсце і Нью-Ёрку. Да верасня 2007 года ўніверсітэт быў вядомы як Інтэркаледж, але змяніў назву ў сувязі з атрыманнем універсітэцкага статуса. У ім навучаюцца студэнты з 75 краін свету па праграмах бакалаўрыяту, магістратуры і аспірантуры.