wd wp Пошук: ⬜

Нікалае Грыгарэску

У Вікіпедыі ёсць артыкулы пра іншых людзей з імем Грыгарэску.

Нікалае Іон Грыгарэ́ску (рум.: Nicolae Grigorescu; 15 мая 1838, Пітару, жудзец Дымбавіца — 21 ліпеня 1907, Кымпіна, жудзец Прахава) — румынскі жывапісец.

Біяграфія

Вучыўся ў Бухарэсце да 1885 года, пазней у Школе прыгожых мастацтваў у Парыжы. У 1861—1887 гадах (з перапынкамі) жыў і працаваў у Францыі; прыхільнік барбізонскай школы жывапісу. З 1887 года пераважна ў Бухарэсце.

Творчасць

Пісаў пейзажы, партрэты, гістарычныя, батальныя і жанравыя кампазіцыі. Яго творы («Сялянка з Мусчэла», 1877; «Штурм Смырдана», 1885; «Воз, запрэжаны валамі», 1899, і інш.) вызначаюцца рэалістычнай формай, свабоднай мастацкай манерай, свежым каларытам і стрыманасцю светлай колеравай гамы.

«Сялянка з Мусчэла», 1877
«Штурм Смырдана», 1885
«Воз, запрэжаны валамі», 1899

Зноскі

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1997. — Т. 5: Гальцы — Дагон. — 576 с. — 10 000 экз. — ISBN 985-11-0090-0 (т. 5), ISBN 985-11-0035-8.

Спасылкі

На Вікісховішчы ёсць медыяфайлы па тэме Нікалае Грыгарэску