Няме́льчык — возера ў Гарадоцкім раёне Віцебскай вобласці, за 36 км на паўночны захад ад горада Гарадок, за 0,8 км на поўнач ад вёскі Ключагорская, у басейне ракі Обаль.
Плошча паверхні 0,04 км². Даўжыня 0,28 км, найбольшая шырыня 0,2 км. Даўжыня берагавой лініі 0,8 км.
Знаходзіцца сярод забалочанага на ўсходзе і захадзе хмызняку. Схілы катлавіны вышынёй 2—4 м, на поўдні парослая лесам озавая града вышынёй 15 м. Выцякае ручай у раку Обаль.