У Вікіпедыі ёсць артыкулы пра іншых асоб з прозвішчам Абухава. Нэлі Андрэеўна Абухава (нар. 18 лістапада 1947, г. Грозны, Расія) — беларускі архітэктар.
У 1966—1967 гадах памочнік галоўнага мастака грозненскага завода «Чырвоны Молат»[ru]. Скончыла ў 1973 годзе МАРХІ. У 1973—1974 гадах архітэктар, старэйшы архітэктар ДПІ «Фрунзэгарпраект»; у 1974—2003 гадах архітэктар, старэйшы архітэктар, вядучы архітэктар, загадчыца групай архітэктараў, ГАП ДПІ «Мінскпраект»; у 2004—2006 гадах ГАП ЗАТ «СпецСантэхБуд»; у 2008—2009 гадах ГАП ПВУП «ТДТІпраект»; у 2010—2012 гадах ГАП ТАА «Нармада».
Мае кваліфікацыйны атэстат Міністэрства архітэктуры і будаўніцтва Беларусі на ажыццяўленне функцый ГАП (2010).
Член прафсаюза працаўнікоў будаўніцтва і прамбудматэрыялаў з 1967 года; член Беларускага саюза архітэктараў з 1983 года, у 1992—2002 гадах сакратар першаснай арганізацыі БСА пры інстытуце «Мінскпраект», з 2011 года навуковы сакратар бюро савета ветэранаў БСА.
Пражывае ў Мінску на вул. Ясеніна, 87.
Асноўныя працы: аўтар ПДП Заходняга раённа г. Фрунзэ (1973—1974, у сааўтарстве); сааўтар праекта забудовы мікрараёна М. Горкага, Варвашэні, Крапоткіна, В. Харужай (1974—1976, у сааўтарстве); сааўтар праекта забудовы мікрараёна М. Горкага, Някрасава, Куйбышава, Сурганава (1976—1978, у сааўтарстве); аўтар праектаў забудовы мікрараёна Уручча-1, 2, 3 (1980—1987, у сааўтарстве); аўтар праектаў забудовы мікрараёнаў Лошыца-1, 2, Сухарава-6 (1988—1993, у суаўтарстве з М. Ключановічам); аўтар праекта карэктоўкі ПДП жылога раёна Лошыца з эскізам забудовы кварталаў (2000—2003), аўтар эскіза забудовы жылога раёна Сцяпянка ў граніцах вуліц Карвата, Геалагічная, Высокая (2005—2007).