Нью-Ёркскі ўніверсітэт у Празе
Нью-Ёркскі ўніверсітэт у Празе (англ.: University of New York in Prague) — чэшская прыватная вышэйшая навучальная ўстанова з сядзібай у Празе.
Агульная характарыстыка
Гэта вышэйшая навучальная ўстанова неўніверсітэцкага тыпу. З’яўляецца афіцыйна зарэгістраванай навучальнай установай, якая надае вышэйшую адукацыю ў Чэскай Рэспубліцы. Прапануе акрэдытаваныя праграмы бакалаўрыяту і магістратуры на англійскай мове. Партнёрамі ўніверсітэта з’яўляюцца шматлікія ўніверсітэты ў ЗША і ЕС.
Універсітэт быў заснаваны ў красавіку 1998 года ў супрацоўніцтве з Універсітэтам штата Нью-Ёрк (горад Нью-Полц, штат Нью-Ёрк, ЗША) і Эмпайр Стэйт Каледж (горад Саратога-Спрынгс, штат Нью-Ёрк, ЗША). Дзякуючы гэтаму супрацоўніцтву ўніверсітэт у Празе прапануе сваім студэнтам магчымасць атрымаць міжнародна прызнаную амерыканскую ступень бакалаўра ва Універсітэце штата Нью-Ёрк. Афіцыйнае дзяржаўнае прызнанне ўніверсітэта Міністэрствам адукацыі, моладзі і спорту Чэшскай Рэспублікі адбылося ў 2001 годзе, калі ён атрымаў акрэдытацыю сваіх першых навучальных праграм, якія з тых часоў атрымліваюць акрэдытацыю кожныя чатыры гады.
Спасылкі
На Вікісховішчы ёсць медыяфайлы па тэме Нью-Ёркскі ўніверсітэт у Празе- Афіцыйная інтэрнэт-старонка ўстановы
Катэгорыя·Універсітэты паводле алфавіта
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Універсітэты Чэхіі
Катэгорыя·Вышэйшыя навучальныя ўстановы Прагі
Катэгорыя·Навучальныя ўстановы, заснаваныя ў 1998 годзе