Нермін Бязмен (турэцк.: Nermin Bezmen; 30 красавіка 1954, Анталья) — турэцкая пісьменніца.
Бязмен нарадзілася ў Антальі ў 1954 годзе. Яна вучылася ў пачатковай школе Мака. У апошні год вучобы ў сярэдняй школе для дзяўчынак імя Атацюрка яна паехала ў ЗША па стыпендыі AFS Intercultural Programs. Па вяртанні яна вучылася ў школе менеджменту Султанахмета і скончыла яе ў 1974 годзе. У студзені 1975 года ва ўзросце 21 года яна выйшла замуж за Паміра Бязмена, 39-гадовага бізнэсмэна. У іх было двое дзяцей. Ён памёр 29 студзеня 2009 года. У 2015 годзе яна ў другі раз выйшла замуж за акцёра Толга Савачы і пасялілася ў Нью-Джэрсі, ЗША.
Бязмен працавала на тэлебачанні, публікавалася ў часопісах і працавала з грамадскасцю. Цікавіцца традыцыйным турэцкім мастацтвам. Яна давала ўрокі малявання для дарослых і дзяцей ва ўласнай майстэрні.
Яна пачала пісаць раманы ў 1991 годзе. Яна даследавала гісторыю Курта Сеіта, свайго дзядулі па матчынай лініі (крымскага татарына, які эміграваў з Крыма ў Турцыю пасля рэвалюцыі 1917 года), і напісала па яе матывах раман[1][2], па якім быў зняты турэцкі тэлесерыял «Курт Сеіт і Аляксандра». Акрамя таго, яна напісала шмат папулярных кніг жанравай літаратуры[3].