«На ва́рце» — заходнебеларуская штотыднёвая грамадска-палітычная і літаратурная газета. Выдавалася ў сакавіку-красавіку 1930 г. ў Варшаве на беларускай мове. Выдавец — Сялянска-Работніцкі Пасольскі Клуб.
У першым нумары былі празрыста акрэслены мэты выдання: «Вырашана было выдаваць гэтую газету, каб праз яе мацней звязацца з мільёнамі працоўных Заходняй Беларусь». Газета распавядала пра рабочых Заходняй і Усходняй Беларусі, часам параўноўваючы іх. На старонках выдання можна сустрэць шматлікую крытыку польскага ўрада ў дачыненні да Заходняй Беларусі.