У Вікіпедыі ёсць артыкулы пра іншых асоб з прозвішчам Рубінштэйн. Натан Рубінштэйн (16 сакавіка 1883, Мінск — ?) — беларускі музыкант, дырыжор, педагог, музычна-грамадскі дзеяч.
Нарадзіўся ў Мінску[2].
Вышэйшую музычную адукацыю атрымаў у Санкт-Пецярбурскай кансэрваторыі[3]. Скончыўшы кансерваторыю ў 1906 годзе з вялікім срэбным мэдалём, Рубінштэйн на працягу году стажаваўся ў выдатнага скрыпача і педагога Леапольда Аўэра, а потым вярнуўся ў Мінск[2].
Менавіта Рубінштэйн быў ініцыятарам стварэння і першым дырэктарам Мінскага музычнага вучылішча, якое адчынілася ў 1907 годзе. Ён праводзіў клас скрыпкі, а таксама выкладаў тэорыю музыкі і сальфэджыа[4]. З 1909 года ў Мінску ім рэгулярна праводзіліся сімфанічныя канцэрты. Беларускі музычны тэхнікум, які адчыніўся ў Мінску ў 1924 годзе, уяўляў сабой толькі падноўленую вучэльню Натана Рубінштэйна[2].