У Вікіпедыі ёсць артыкулы пра іншых асоб з прозвішчам Андрэйчык. Наталля Іосіфаўна Андрэйчык (нар. 5 снежня 1945, Мінск) — беларускі палітык і юрыст. Заслужаны юрыст Рэспублікі Беларусь.
Скончыла Беларускі дзяржаўны ўніверсітэт, юрыст. Працавала стажорам, адвакатам Мінскай абласной калегіі адвакатаў, адвакатам юрыдычнай кансультацыі Кастрычніцкага раёна Мінскай гарадской калегіі адвакатаў, загадчыкам юрыдычнай кансультацыі Партызанскага раёна горада Мінска. Выбіралася прэзідэнтам Саюза адвакатаў Беларусі.
Была старшынёй Рэспубліканскай калегіі адвакатаў, намеснікам старшыні Камісіі па пытаннях памілавання пры Прэзідэнце Рэспублікі Беларусь. Былы намеснік старшыні Камісіі Парламенцкага Сходу Саюза Беларусі і Расіі па заканадаўству і Рэгламенту. Былы член расійска-беларускай камісіі па падрыхтоўцы праекта Канстытуцыйнага Акта Саюзнай дзяржавы. Былы намеснік кіраўнікоў дэлегацый Нацыянальнага сходу Рэспублікі Беларусь у Парламенцкай Асамблеі Арганізацыі па бяспецы і супрацоўніцтву ў Еўропе і па ажыццяўленню кантактаў з Парламенцкай Асамблеяй Савета Еўропы.
Выбіралася членам Савета Рэспублікі Нацыянальнага сходу Рэспублікі Беларусь 2-га і 3-га скліканняў[1].
Узнагароджана трыма юбілейнымі медалямі, Ганаровай граматай Нацыянальнага сходу Рэспублікі Беларусь[2].