Наступленне ў Шах Валі Кот — пяцідзённая аперацыя войскаў ISAF падчас вайны ў Афганістане, якая праводзілася аўстралійскім кантынгентам міжнароднай кааліцыі сумесна з Афганскай Нацыянальнай Арміяй, пры паветранай падтрымцы амерыканскай авіяцыі, з 10 па 14 чэрвеня 2010 года. Аперацыя праходзіла ў раёне Шах Валі Кот правінцыі Кандагар.
Наступленне ў Шах Валі Кот было накіравана супраць сіл Талібану ў рэгіёне і быў падрыхтавана сіламі ISAF, імкнучыся забяспечыць бяспеку ў правінцыі Кандагар[2]. У аперацыі прымалі ўдзел аўстралійскія спецпадраздзялення і салдаты Афганскай Нацыянальнай Арміяй, падтрыманыя вайсковымі верталётамі ЗША[2].
Аўстралійскія камандас 2-га дыверсійнага палка пачалі аперацыю 10 чэрвеня, аднак пазней іх падтрымалі падраздзялення SASR, так як баевiкi пачалі контратаку[1]. Барацьба была асабліва інтэнсіўная у другі дзень аперацыі, калі ў аўстралійскіх і афганскіх салдат адкрылі агонь талiбы падчас іх высадкі з верталётаў[3]. Пасля пяці дзён баёў паўстанцы пакінулі раён[2].
Пасля аперацыі прадстаўнік ISAF заявіў, што ў баях удзельнічала больш за 100 баевiкоў[4]. Камандуючы аўстралійскімі сіламі на Блізкім Усходзе, генерал-маёр Джон Кэнтвел заявіў, што аперацыя «нанесла моцны ўдар па паўстанцкім сілам і ўнесла вялікі ўклад у забеспячэнне бяспекі сіл ISAF, засяроджаных у правінцыі Кандагар і суседніх раёнах» і таксама павысіць бяспеку ў правінцыі Урузган[2]. Падчас аперацыі аўстралійскія войскі захапілі вялікая колькасць зброі ў якасцi трафеяў[3].
Міністэрства абароны Аўстраліі сцвярджала, што падчас аперацыі было знішчана «значная колькасць паўстанцаў», але не прадаставіла канкрэтных дадзеных[5] . Адзін аўстралійскі салдат і адзін афганскі салдат былі параненыя варожым агнём падчас аперацыі, таксама некалькі верталётаў былі пашкоджаныя[1]. Прадстаўнік ISAF заявіў, што ні адна грамадзянская асоба не была паранена падчас аперацыі[4].
Пазней, падчас далейшых аперацый у рэгіёне, 21 чэрвеня, пацярпеў крушэнне верталёт ЗША UH-60 на поўначы правінцыі Кандагар. Загінулі 3 аўстралійскіх камандас і амерыканскі пілот, сем аўстралійцаў і амерыканскі член экіпажа былі сур’ёзна параненыя[6][7].