Нарушоўскае — возера ў Глыбоцкім раёне Віцебскай вобласці ў басейне ракі Дабрылаўка, за 10 км на паўночны захад ад горада Глыбокае, каля вёскі Нарушова.
Плошча паверхні возера 0,09 км². Даўжыня 0,75 км, найбольшая шырыня 0,19 км. Даўжыня берагавой лініі 1,7 км. Катлавіна возера выцягнутая ў напрамку з паўночнага захаду на паўднёвы ўсход. Схілы катлавіны вышынёй да 5 м, разараныя. Вакол возера пойма, якая на поўначы злучаецца з поймай ручая без назвы.