Надвоіцы (руск.: Надво́ицы, фінск.: Vojatsu, кар. Vojačču) — пасёлак гарадскога тыпу ў Сегежскім раёне Карэліі, адміністрацыйны цэнтр Надвоіцкага гарадскога паселішча. Насельніцтва 7380 чалавек (2019). Пасёлак размешчаны на паўвостраве Майнавалок, на паўднёва-заходнім беразе возера Воіцкага, у паўночна-заходняй ускрайку возера Выгвозера, якое з’яўляецца часткай трасы Беламорска-Балтыйскага канала. У 1934 годзе пабудавана прыстань на возеры для перавалкі грузаў і абслугоўвання суднаў Беламорска-Балтыйскага каналу. Дзейнічае чыгуначная станцыя лініі Сегежа — Беламорск.