У Вікіпедыі ёсць артыкулы пра іншых асоб з прозвішчам Рубінштэйн. Навум (Невах) Самойлавіч Рубінштэйн (руск.: Рубинштейн Наум Самойлович; 26 чэрвеня 1898, Мінск — 1981, Мінск) — беларускі вучоны ў галіне рэнтгеналогіі. Кандыдат медыцынскіх навук (1937), дацэнт (1951).
Скончыў медыцынскі факультэт Варонежскага універсітэта (1923). Асістэнт курса (кафедры) рэнтгеналогіі Беларускага (Мінскага) медыцынскага інстытута (1930—1941).
У час Вялікай Айчыннай вайны начальнік рэнтгенаўскіх кабінетаў палявога рухомага і эвакуацыйнага шпіталяў (1941—1945); начальнік рэнтгенаўскага кабінета ваеннага шпіталя (1945—1947).
Асістэнт курсу рэнтгеналогіі кафедры прапедэўтыкі ўнутраных хвароб Мінскага медыцынскага інстытута (1947—1950); выконваў абавязкі дацэнта, загадчык курсам рэнтгеналогіі Беларускага інстытута ўдасканалення ўрачоў (1950—1951). Загадчык курсам рэнтгеналогіі кафедры прапедэўтыкі ўнутраных хвароб Мінскага медыцынскага інстытута (1951—1955). Загадчык кафедры рэнтгеналогіі Беларускага інстытута ўдасканалення ўрачоў (1955—1958).