У Вікіпедыі ёсць артыкулы пра іншых асоб з прозвішчам Савановіч. Міхаіл Фёдаравіч Савановіч (7 лістапада 1955, в. Дальнія Бандары, Слуцкі раён, Мінская вобласць) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь V склікання.
Нарадзіўся 7 лістапада 1955 года ў в. Дальнія Бандары Слуцкага раёна Мінскай вобласці.
Скончыў Беларускі тэхналагічны інстытут імя С. М. Кірава, інжынер-механік.
Працаваў вядучым інжынерам Міністэрства жыллёва-камунальнай гаспадаркі Рэспублікі Беларусь, намеснікам дырэктара ЖРЭА Маскоўскага раёна г. Мінска; інструктарам аддзела прапаганды і агітацыі Маскоўскага раённага камітэта КПБ г. Мінска; у камерцыйных структурах; загадчыкам аддзела арганізацыйнай і кадравай работы адміністрацыі Маскоўскага раёна г. Мінска; саветнікам-кансультантам Адміністрацыі Прэзідэнта Рэспублікі Беларусь; начальнікам упраўлення арганізацыйна-кадравай работы, кіраўніком спраў Мінскага гарадскога выканаўчага камітэта; старшынёй Мінскага гарадскога Савета дэпутатаў.
З’яўляўся дэпутатам Мінскага гарадскога Савета дэпутатаў дваццаць пятага і дваццаць шостага скліканняў.
У 2012—2016 гадах дэпутат Палаты прадстаўнікоў Нацыянальнага сходу Рэспублікі Беларусь V склікання.
Узнагароджаны медалём «За працоўныя заслугі», дзевяццю юбілейнымі медалямі, ганаровымі граматамі Нацыянальнага сходу Рэспублікі Беларусь, Савета Міністраў Рэспублікі Беларусь. Мае Падзяку Прэзідэнта Рэспублікі Беларусь.
Жанаты, мае двух сыноў.