У Вікіпедыі ёсць артыкулы пра іншых асоб з прозвішчам Мятлікаў. Міхаіл Міхайлавіч Мятлікаў (нар.5 лютага 1964, Доўск, Рагачоўскі раён, Гомельская вобласць) — беларускі дыпламат. Надзвычайны і Паўнамоцны Пасол Рэспублікі Беларусь у Грузіі.
У 1987 годзе скончыў Беларускі політэхнічны інстытут па спецыяльнасці ліцейная вытворчасць чорных і каляровых металаў, у 2000 годзе — Акадэмію кіравання пры Прэзідэнце Рэспублікі Беларусь па спецыяльнасці знешняя палітыка і дыпламатыя.
У 1986—1997 гадах працаваў у моладзевых і грамадскіх арганізацыях. У 1997 годзе — першы намеснік Старшыні Дзяржаўнага камітэта па справах моладзі Рэспублікі Беларусь. У 1997—2000 гадах — слухач аддзялення акадэмічнай падрыхтоўкі Акадэміі кіравання пры Прэзідэнце Рэспублікі Беларусь. У 2000—2003 гадах — кіраўнік Прадстаўніцтва Арлоўскай вобласці Расійскай Федэрацыі ў Рэспубліцы Беларусь. У 2003—2006 гадах — дырэктар вытворча-гандлёвага прыватнага ўнітарнага прадпрыемства «Белакватрэйдсэрвіс». У 2006—2007 гадах — галоўны дарадца, намеснік кіраўніка сакратарыята Прэм’ер-міністра Рэспублікі Беларусь Апарату Савета Міністраў Рэспублікі Беларусь, у 2007—2011 гадах — кіраўнік сакратарыята Прэм’ер-міністра Рэспублікі Беларусь Апарату Савета Міністраў Рэспублікі Беларусь. У 2011—2016 гадах старшыня Беларускай гандлёва-прамысловай палаты.
З ліпеня 2016 года Надзвычайны і Паўнамоцны Пасол Рэспублікі Беларусь у Грузіі.