У Вікіпедыі ёсць артыкулы пра іншых асоб з прозвішчам Задорнаў.
Міхаіл Мікалаевіч Задорнаў (нар. 21 ліпеня 1948, Юрмала[3], Латвійская ССР — 10 лістапада 2017[4]) — савецкі і расійскі празаік -сатырык, драматург , гумарыст, комік, член Саюза пісьменнікаў Расіі. Аўтар больш за дзесяці кніг. Сярод іх — лірычныя і сатырычныя апавяданні, гумарэскі, нарысы, дарожныя нататкі і п’есы. Аўтар антынавуковых гіпотэз у галіне этымалогіі і гісторыі славянства[5]. Вядомы сваімі шавіністычнымі і антызаходнімі выказваннямі[6][7][8][9][10].
Нарадзіўся 21 ліпеня 1948 года ў Юрмале (Латвійская ССР). Cкончыў рыжскую сярэднюю школу № 10. У 1974 годзе скончыў Маскоўскі авіяцыйны інстытут па спецыяльнасці інжынер-механік.
Дэбютаваў на Цэнтральным тэлебачанні СССР у 1982 годзе з маналогам «Ліст студэнта дадому». Сапраўдная папулярнасць прыйшла ў 1984 годзе, калі Задорнаў ў перадачы «Вакол смеху» прадставіў свой фельетон «Два дзевятых вагона», які прынёс яму шырокую вядомасць. У 1984—1985 гадах — загадчык аддзела сатыры і гумару ў часопісе «Юнацтва». Апавяданні і мініяцюры Задорнава чыталі са сцэны многія вядомыя артысты, а пачынаючы з канца 1980-х гадоў ён стаў сам выконваць свае творы. З пачатку 1990-х гадоў Задорнаў быў аўтарам і вядучым вядомых тэлеперадач, такіх як «Аншлаг», «Смехапанарама», «Сатырычны прагноз», «Дочкі-маці».
Памёр 10 лістапада 2017 года ў Маскве[11].
Асноўны артыкул: Творчасць Міхаіла Задорнава Аўтар мноства гумарыстычных кніг і канцэртаў, таксама здымаўся ў кіно.