wd wp Пошук: ⬜

Міхаіл Леанідавіч Машэнскі

У Вікіпедыі ёсць артыкулы пра іншых асоб з прозвішчам Машэнскі. Міхаіл Леанідавіч Машэнскі (5 мая 1947 — 7 мая 2000, Брэст) — беларускі прадпрымальнік, заснавальнік СП «Санта Брэмар».

Біяграфія

Нарадзіўся 5 мая 1947 года ў пасёлку Буравеснік Курыльскага раёна Сахалінскай вобласці РСФСР. Скончыў Брэсцкі чыгуначны тэхнікум і інстытут чыгуначнага транспарту. Да 1991 года працаваў на Брэсцкім электрамеханічным заводзе.

Заснавальнік СП «Санта Імпэкс Брэст». У 1998 годзе заснаваў даччынае прадпрыемства СП «Санта Брэмар».

Памёр 7 мая 2000 года ў Брэсце.

Сям’я

Сын — Аляксандр Міхайлавіч Машэнскі (1970 г.н).

Ушанаванне памяці

У 2001 годзе Брэсцкі гарвыканкам прыняў рашэнне перайменаваць вуліцу Шашэйную ў вуліцу Машэнскага па просьбе ГА «Саюз прадпрымальнікаў Брэсцкай вобласці».