Міхаіл Антонавіч Шэшка (нар. 12 ліпеня 1937, вёска Зялёнкі, Любанскі раён, Мінская вобласць) — беларускі матэматык, доктар фізіка-матэматычных навук (1993, Набліжанае развязанне сінгулярных інтэгральных раўнанняў з дапамогай вылічэнняў), прафесар (1995).
Скончыў БДУ (1961), дзе і працуе. Навуковыя працы па сінгулярных інтэгральных раўнаннях і іх дастасаваннях. Распрацаваў новы метад набліжанага развязання сінгулярных інтэгральных раўнанняў з ядрамі Кашы і Гільберта.