wd wp Пошук: ⬜

Міхаіл Антонавіч Старавойтаў

У Вікіпедыі ёсць артыкулы пра іншых асоб з прозвішчам Старавойтаў. Міхаіл Антонавіч Старавойтаў (7 чэрвеня 1923, вёска Якімавічы, Клімавіцкі раён, Магілёўская вобласць — 11 красавіка 1944, Адэская вобласць) — удзельнік Вялікай Айчыннай вайны, Герой Савецкага Саюза (1944).

Біяграфія

На франтах Вялікай Айчыннай вайны з 1941 года. Удзельнік баёў на Заходнім, Паўднёва-Заходнім, Стэпавым і 3-м Украінскім франтах.

Радавы М. Старавойтаў вызначыўся 25 сакавіка 1944 г. на тэрыторыі Адэскай вобласці ў раёне сяла Вінаградны Сад. Пасля фарсіравання ракі Паўднёвы Буг 25—26 сакавіка прымаў удзел у адбіцці контратак праціўніка. Быў паранены і памёр ад ран[1].

Пахаваны ў сяле Райкі Вялікаміхайлаўскага раёна Адэскай вобласці[2].

Памяць

Імем Героя названы школа[2] ў аграгарадку Мілаславічы Клімавіцкага раёна і вуліца[3] ў горадзе Клімавічы.

Зноскі

↑ Паводле Інфармацыя на сайце az-libr.ru (руск.) загінуў у баі 11 красавіка 1944 г.
1 2 Інфармацыя на сайце az-libr.ru (руск.)
↑ Сайт Магілёўскай абласной бібліятэкі

Літаратура

Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш.. — Мн.: БелЭн, 2002. — Т. 15. — С. 154—155. — 552 с. — 10 000 экз. — ISBN 985-11-0251-2 (Т. 15).

Спасылкі

Інфармацыя на сайце az-libr.ru (руск.)
Дорогами войны: Климовичский район (руск.)
Ими гордится Климовщина (руск.) // Сайт Клімавіцкага раённага выканаўчага камітэта