Міхаіл Аляксандравіч Аўласевіч (20 чэрвеня 1939, в. Прошкі, Шаркаўшчынскі раён, Віцебская вобласць — 11 сакавіка 2008) — беларускі мовазнавец. Кандыдат філалагічных навук (1970), прафесар (1992).
Скончыла Станіславоўскую сямігодку, Полацкі педагагічны тэхнікум, Магілёўскі дзяржаўны педагагічны інстытут (спецыяльнасць «Беларуская і руская мова і літаратура», 1962), Інстытут мовазнаўства імя Я. Коласа АН БССР (аспірантура, спецыяльнасць «Беларуская мова», 1970).
Працаваў у Магілёўскім дзяржаўным універсітэце імя А. А. Куляшова (1962—2001, філалагічны факультэт, кафедра рускай мовы, прафесар, у 1972—1991 — прарэктар па вучэбнай рабоце, 1991—1994 — першы прарэктар, 1994—2001 — рэктар), Савеце Рэспублікі Нацыянальнага сходу Рэспублікі Беларусь (2001—2004, намеснік старшыні).
Навуковыя інтарэсы: сучасныя руская і бларуская мовы (словаўтварэнне, сінтаксіс, методыка выкладання); лексікаграфія (руска-беларуская тэрміналогія); сацыяльная лінгвістыка.
Пахаваны ў г. Мінску.