У Вікіпедыі ёсць артыкулы пра іншых асоб з прозвішчам Мінаеў.
Міхаіл Іванавіч Мінаеў (19 лістапада 1926, с. Крупец, Зяметчынскі раён, Пензенская вобласць, Расія — 4 мая 1994) — спецыяліст у галіне радыётэхнікі. Доктар тэхнічных навук (1990), дацэнт (1976).
Скончыў Ваенна-марское авіяцыйнае вучылішча ў г. Мікалаеве (1947), Ленінградская ваенна-паветраная інжынерная акадэмія імя А. Ф. Мажайскага (1956), Усесаюзны навукова-даследчы інстытут радыёапаратуры, г. Ленінград (аспірантура, 1964).
Працаваў ва Авіяцыйнай эскадрыллі, Далёкі Усход (1947—1950, начальнік сувязі); Навукова-даследчым інстытуце магутнага радыёпрыборабудавання, г. Ленінград (1956—1960); Мінскмі радыётэхнічным інстытуце (з 1967, кафедра радыёперадаючых устройстваў і радыётэхнічных сістэм, з 1969 — дацэнт, з 1991 — прафесар кафедры радыётэхнічных сістэм).
Навуковыя інтарэсы: даследаванні многачастотных рэжымаў работы прыбораў звышвысокіх частот; распрацоўка радыёперадаючых устройстваў радыёлакацыйных станцый.
Медалі «За баявыя заслугі», «За перамогу над Германіяй у Вялікай Айчыннай вайне 1941—1945 гг.», значком «Ганаровы радыст СССР» і інш.