У Вікіпедыі ёсць артыкулы пра іншых асоб з прозвішчам Тышкевіч.
Міхал Тышкевіч (1761 — 4 верасня 1839) — ваенны дзеяч Вялікага Княства Літоўскага. Пачынальнік Біржанскай лініі роду Тышкевічаў. Пасля Радзівілаў валодаў Біржанскім маяратам на тэрыторыі сучаснай Літвы.
Прадстаўнік шляхецкага роду Тышкевічаў герба «Ляліва», сын Юзафа Ігнацыя і Марыі Ганны з Галімскіх. Успадкаў ад бацькі тытул графа на Лагойску і Бярдычаве.
У расійска-французскую вайну (1812) быў камандзірам 17-га кавалерыйскага палка войска Вялікага Княства Літоўскага, які сфарміраваў сваім коштам[2].
У шлюбе з Яаннай Карп, дачкой Бенядзікта Карпа, меў сыноў Яна Канстанціна, Юзафа і Бенедыкта, а таксама дачку Яну.