Мікалай Мікалаевіч Папок (нар. 8 студзеня 1953, в. Паланечка, Баранавіцкі раён, Брэсцкая вобласць) — беларускі спецыяліст у галіне тэхналогіі машынабудавання. Доктар тэхнічных навук (2003), прафесар (2010).
Скончыў Наваполацкі політэхнічны інстытут (спецыяльнасць «Тэхналогія машынабудавання, металарэзныя станкі і інструменты», 1975), Беларускі політэхнічны інстытут (аспірантура, 1982).
Працаваў у Полацкім дзяржаўным універсітэце (з 1975, факультэт машынабудавання і аўтамабільнага транспарту, кафедра «Тэхналогія і абсталяванне машынабудаўнічай вытворчасці», прафесар, з 2006 — загадчык кафедры, у 1983—1988 — сакратар парткама).
Навуковыя інтарэсы: тэарэтычныя і тэхналагічныя асновы машынабудаўнічай вытворчасці з інтэнсіфікацыяй механічнай апрацоўкі дэталей.