У Вікіпедыі ёсць артыкулы пра іншых асоб з прозвішчам Губенка.
Мікалай Мікалаевіч Губенка (руск.: Никола́й Никола́евич Губе́нко; 17 жніўня 1941, Адэса — 16 жніўня 2020, Масква) — савецкі і расійскі акцёр тэатра і кіно, кінарэжысёр і сцэнарыст; народны артыст РСФСР (1985). Лаўрэат прэміі Ленінскага камсамола (1972) і Дзяржаўнай прэміі РСФСР імя братоў Васільевых (1973).
Заснавальнік, мастацкі кіраўнік тэатра «Садружнасць акцёраў Таганкі» з 1993 года да канца жыцця.
Апошні міністр культуры СССР з 1989 па 1991 год. Дэпутат Дзяржаўнай Думы Федэральнага сходу Расійскай Федэрацыі II і III скліканняў (1995—2003). Дэпутат Маскоўскай гарадской Думы IV, V, VI і VII скліканняў (2005—2020). Намеснік старшыні Маскоўскай гарадской думы (2009—2020).