Мікалай Канстанцінавіч Чартко (нар. 8 студзеня 1934, в. Мастытычы, Баранавіцкі раён, Брэсцкая вобласць) — беларускі географ, глебазнавец. Доктар геаграфічных навук (1991), прафесар (1993).
Скончыў Беларускі дзяржаўны ўніверсітэт (спецыяльнасць «Фізічная геаграфія», 1957; аспірантура, спецыяльнасць «Геаграфія глебаў», 1962).
Працаваў у Беларускім дзяржаўным універсітэце (кафедра глебазнаўства і зямельных інфармацыйных сістэм, прафесар).
Навуковыя інтарэсы: геаграфія глебаў; геахімія ландшафтаў.
Медалі «За доблесную працу» (1970), «Ветэран працы» (1985), Грамата Вярхоўнага Савета БССР (1971), нагрудны знак «Пераможца сацыялістычнага спаборніцтва» (1978).