Мікалай Васільевіч Гнацюк (нар. 14 верасня 1952, с. Нэмырыўка, Старакасцянтыніўскага раёна, Хмяльніцкай вобласці, Украіна) — украінскі эстрадны спявак. Народны артыст Украінскай ССР.
Скончыў Ровенскі педагагічны інстытут (музычна-педагагічны факультэт).
Творчую кар’еру пачаў у ансамблі «Мы-адэсіты». Падчас службы ў радах Савецкай арміі спяваў у ансамблі 8-й гвардзейскай арміі ГСВГ у г. Веймары (ГДР).
Вучыўся ў студыі Ленінградскага мюзік-хола і паралельна гастраляваў з ВІА «Дружба».
У 1978 годзе стаў пераможцам другога конкурсу артыстаў эстрады Украіны ў Запарожжы.
У 1979 годзе заняў трэцяе месца на VI Усесаюзным конкурсе артыстаў эстрады.
У 1980 годзе атрымаў Гран-пры конкурсу эстраднай песні ў Дрэздэне (песня Д. Тухманава «Я з табой танцую»).
У 1980 годзе заняў першае месца фестывалю Інтэрбачанне ў Сопаце (песня Р. Паўлса «Танец на барабане»).
Шырока вядомыя песні Гнацюка «Танец на барабане», «Птушка шчасця», «Малінавы звон», «Белыя аканіцы».
Удзельнік міжнароднага фестывалю мастацтваў «Славянскі базар» у г. Віцебску, міжнароднага музычнага фестывалю «Залаты Шлягер» у г. Магілёве.
Узнагароджаны ордэнам Францыска Скарыны. Звання «Ганаровы грамадзянін г. Магілёва» ўдастоены ў 2002 годзе за вялікі ўклад у развіццё Нацыянальны культур Рэспублікі Беларусь і Украіны.