Мікалай Аляксандравіч Нечыпарэнка (нар. 26 лістапада 1946, г. Малын, Жытомірская вобласць, Украіна) — беларускі ўрач-анколаг, уролаг. Доктар медыцынскіх навук (1996), прафесар (2009). Член-карэспандэнт Польскага навуковага таварыства ўролагаў (2009). Член Праўлення Беларускай асацыяцыі ўролагаў (1987).
Скончыў Гродзенскі дзяржаўны медыцынскі інстытут (1971).
Працаваў у Гродзенскім дзяржаўным медыцынскім універсітэце (з 1980, медыка-псіхалагічны факультэт, 2-ая кафедра хірургічных хвароб, прафесар).
Навуковыя інтарэсы: праблемы анкауралогіі; урагенікалогія; хуткая ўралогія.
Нагрудны знак «Выдатнік аховы здароўя Рэспублікі Беларусь» (2008), ганаровыя граматы Вышэйшай атэстацыйнай камісіі Рэспублікі Беларусь (2008, 2012), Міністэрства аховы здароўя Рэспублікі Беларусь (2013).