У Вікіпедыі ёсць артыкулы пра іншых асоб з прозвішчам Мітрафанаў. Мікалай Іванавіч Мітрафанаў (24 снежня 1912, с. Блінава, Песцякоўскі раён, Іванаўская вобласць — 26 чэрвеня 1944, в. Надзежына, Шумілінскі раён, Беларусь) — Герой Савецкага Саюза (1945).
Камандзір стралковага ўзвода 9-й стралковай роты 977-га стралковага палка 270-й стралковай Дзямідаўскай дывізіі 6-й арміі першага Прыбалтыйскага фронту. Вызначыўся пры вызваленні Бешанковіцкага раёна. 26 чэрвеня 1944 года ўзвод пад яго камандаваннем выйшаў да Заходняй Дзвіны, пад агнём праціўніка пераправіўся на левы бераг і прыкрываў агнём пераправу батальена. У баі за плацдарм М. І. Мітрафанаў падняў узвод у атаку і захапіў варожыя траншэі. Загінуў у гэтым баю.
Званне Героя Савецкага Саюза прысвоена 24 сакавіка 1945 года.
Пахаваны ў Брацкай магіле аграгарадка Ула[1].