У Вікіпедыі ёсць артыкулы пра іншых асоб з прозвішчам Зарэмба.
Мікалай Іванавіч Зарэмба (31 мая [12 чэрвеня] 1821, Віцебская губерня, Люцынскі павет, маёнтак Азупіна[2] — 27 сакавіка [8 красавіка] 1879, Санкт-Пецярбург) — расійскі педагог, кампазітар .
Скончыў Санкт-Пецярбургскі ўніверсітэт, адначасова вывучаючы фартэпіяна пад кіраўніцтвам Антона Герка і віяланчэль ў Іагана Беньяміна Гроса. Затым вывучаў кампазіцыю ў Берліне ў Адольфа Маркса. Вярнуўшыся ў 1854 у Пецярбург, Зарэмба прыняў на сябе кіраўніцтва харавым таварыствам пры лютэранскай Петрапаўлаўскай царквы. З заснаваннем Рускага музычнага таварыства ў 1859 Зарэмба прымаў у ім актыўны ўдзел, у тым ліку як педагог.