wd wp Пошук:
    ⬜

    Мюнхенскі тэхнічны ўніверсітэт

    Мюнхенскі тэхнічны універсітэт (ням.: Technische Universität München, TU München, TUM) — вышэйшая навучальная ўстанова, заснавана ў 1868 годзе, знаходзіцца ў горадзе Мюнхене, з’яўляецца адзіным тэхнічным універсітэтам Баварыі і адной з самых вялікіх вышэйшых навучальных устаноў у Германіі. Універсітэт уваходзіць у аб’яднанне тэхнічных універсітэтаў Германіі TU 9 і з’яўляецца адным з самых прэстыжных ВНУ Германіі.

    Ва ўніверсітэце ажыццяўляецца навучанне па 132 спецыяльнасцях. Разам з тыповымі для тэхнічнага ВНУ факультэтамі тэхнічных і прыродазнаўчых навук існуюць і факультэты эканомікі, спорту і медыцыны.

    Гісторыя

    Універсітэт быў заснаваны як Політэхнічная школа каралём Баварыі Людвігам II ў 1868 годзе.

    З 1877 афіцыйна перайменаваны ў Каралеўскую баварскую Тэхнічную Вышэйшую Школу.

    Пераназванне ў Тэхнічны Універсітэт адбылося ў 1970 годзе.

    У 1901 годзе ў ВНУ адкрыўся дысертацыйных савет.

    У 1930 годзе да яго была далучана Вышэйшая школа сельскай гаспадаркі.

    У 1937 годзе Максам Шмітам быў распрацаваны праект новага будынка універсітэта ў Німфенбургу, які не быў рэалізаваны. Падчас другой сусветнай вайны будынкі ўніверсітэта ў цэнтральнай частцы горада былі на 80% разбураны, заняткі аднавіліся ў 1946 годзе.

    Універсітэцкі гарадок Гархінг быў заснаваны ў 1957 годзе адначасова з пускам мюнхенскага такамака.

    У 1967 годзе адкрылася медыцынская клініка на правым беразе Ізара.

    З 1995 года прэзідэнтам Універсітэта з’яўляецца прафесар хіміі Вольфганг Герман.

    Мюнхенскі тэхнічны ўніверсітэт з’яўляецца з лістапада 2006 года разам з універсітэтам Карлсруэ і мюнхенскім універсітэтам імя Людвіга і Максіміліяна элітным універсітэтам і ўдзельнікам праграмы “Канцэпцыі будучыні”. Да 2011 года яму штогод ажыццяўлялася дзяржаўная фінансавая падтрымка ў памеры 30 мільёнаў еўра.

    Спасылкі

    Тэмы гэтай старонкі (5):
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Навучальныя ўстановы, заснаваныя ў 1868 годзе
    Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
    Катэгорыя·Мюнхенскі тэхнічны ўніверсітэт
    Катэгорыя·Універсітэты паводле алфавіта