Муйсата, Муйса́тка — возера ў Браслаўскім раёне Віцебскай вобласці Беларусі ў басейне ракі Рычанка, за 20 км у напрамку на захад ад горада Браслаў, прыкладна за 1 км на паўночны ўсход ад вёскі Станкавічы, каля вёскі Міхалінка (нежылая[1]).
Плошча паверхні возера 0,22 (0,19[2]) км². Даўжыня 0,77 (0,8[2]), найбольшая шырыня 0,35 (0,38[2]), даўжыня берагавой лініі 1,92 (2,08[2]). Найбольшая глыбіня 4,7[2], сярэдняя 2,9[2]. Аб’ём вады ў возеры 0,55[2] млн м³. Плошча вадазбору 2,75 км².
Катлавіна возера тэрмакарставага тыпу. Схілы катлавіны вышынёй 10—12 м, спадзістыя. Берагавая лінія ўмерана звілістая. Берагі пясчаныя, пераважна высокія. Зона мелкаводдзя пясчаная. Глыбей дно возера высцілаюць іл і сапрапель. Зарастае слаба. Возера бяссцёкавае. Упадаюць ручаі.