Музей гісторыі Будапешта
Музей гісторыі Будапешта (венг.: Budapesti Történeti Múzeum) размяшчаецца ў паўднёва-усходнім крыле Каралеўскага палаца ў Будзе. У экспазіцыі музея прадстаўлены матэрыялы, якія ілюструюць гісторыю венгерскай сталіцы з дагістарычных часоў да Новага часу. На верхніх паверхах музея ўвазе наведвальнікаў у музейнай экспазіцыі прадстаўлены творы мастацтва, прадметы рамеснай вытворчасці, тэкстыль, кераміка, фатаграфія, хатнія рэчы і іншыя прадметы побыту пачынаючы ад Старажытнага Рыма і да Другой сусветнай вайны. У музеі таксама можна агледзець выяўленыя падчас археалагічных раскопак руіны гатычнага і рэнесанснага палацаў з гербамі дынастыі Арпадаў, Анжуйскай дынастыі, Мацьяша Корвіна і Ягелонаў, фрагменты параднай залы караля Мацьяша Корвіна (столь працы архітэктара Дж. Далматы), пакоі каралевы і капліцу 1380 года. У экспазіцыі музея таксама знаходзяцца выяўленыя ў 1974 годзе статуі XV стагоддзя, якія сімвалізуюць членаў Анжуйскай дынастыі, біскупаў, апосталаў і прарокаў.
Рашэнне аб заснаванні музея, прысвечанага гісторыі Будапешта, было прынята ў 1887 годзе. Першая экспазіцыя адкрылася ў 1894 годзе ў Аквінкуме.
Філіял Музея гісторыі Будапешта — Музей Кішцэлі ў Обудзе.
Зноскі
Літаратура
- Венгрия. Издательство «Вокруг света», 2009 ISBN 978-5-98652-226-5
Спасылкі
На Вікісховішчы ёсць медыяфайлы па тэме Музей гісторыі Будапешта- Афіцыйны сайт музея (венг.) (англ.)
Катэгорыя·З’явіліся ў 1894 годзе
Катэгорыя·Музеі паводле алфавіта
Катэгорыя·1894 год у Будапешце
Катэгорыя·Гісторыя Будапешта
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Музеі Будапешта