Ме́лкае Стру́нава — возера ў Гарадоцкім раёне Віцебскай вобласці, за 27 км на паўночны ўсход ад горада Гарадок, за 5 км на паўднёвы ўсход ад вёскі Вярэчча, за 3 км на поўдзень ад возера Мядзесна, у басейне ракі Аўсянка.
Плошча паверхні 0,12 км². Даўжыня 0,9 км, найбольшая шырыня 0,15 км. Даўжыня берагавой лініі 2,05 км. Плошча вадазбору 3,2 км².
Схілы катлавіны вышынёй да 25 м, параслі лесам. Берагі нізкія, на поўдні забалочаныя. Злучана ручаём з возерам Глыбокае Струнава, на захадзе выцякае ручай у раку Кудзінка.