Мелані Ларан (фр. Mélanie Laurent; нар. 21 лютага 1983, Парыж) — французская актрыса, рэжысёр, спявачка.
Нарадзілася 21 лютага 1983 года ў Парыжы ў яўрэйскай сям’і: бацька — акцёр, які агучвае розныя ролі за кадрам (агучваў Неда Фландэрса ў французскім варыянце Сімпсанаў), маці — выкладчыца балета. Дзяцінства Мелані прайшло ў IX акрузе Парыжа, з юных гадоў яна цікавілася кінематографам. Сваю першую ролю ў фільме «Мост паміж двух берагоў» Мелані Ларан атрымала дзякуючы выпадковаму знаёмству з акцёрам і рэжысёрам Жэрарам Дэпардзьё на здымках фільма «Астэрыкс і Абелікс супраць Цэзара».
У перыяд з 1999 па 2009 год знялася ў 20 фільмах. У 2008 годзе выступіла ў ролі рэжысёра і сцэнарыста кароткаметражнага эратычнага фільма «A ses pieds», які быў паказаны на французскім тэлеканале Canal+.