wd wp Пошук: ⬜

Мег Раян

У Вікіпедыі ёсць артыкулы пра іншых асоб з прозвішчам Раян.

Мег Раян (англ.: Meg Ryan; імя пры нараджэнні — Маргарэт Мэры Эмілі Эні Хайра (англ.: Margaret Mary Emily Anne Hyra); нар. 19 лістапада 1961, Фэрфілд, Канектыкут, ЗША) — амерыканская актрыса і кінапрадзюсер.

Біяграфія

Мег Раян нарадзілася 19 лістапада 1961 года ў Фэрфілдзе (штат Канектыкут). Яе бацька-настаўнік матэматыкі, а маці — агент па падборы акцёраў. Маці Раян, С’юзан, марыла стаць актрысай, кінула сям’ю дзеля кар’еры, пакінуўшы на выхаванне бацьку чацвярых дзяцей. Тады Мег было 15 гадоў. Пасля заканчэння сярэдняй школы ў горадзе Бетэлі ў 1979 годзе яна паступіла на факультэт журналістыкі Нью-Ёркскага ўніверсітэта.

У 1981 годзе яна дэбютавала ў апошнім фільме Джорджа К’юкара «Багатыя і знакамітыя» у ролі дачкі Кэндзіс Берген. У 1982—1984 гадах Раян грала Бэтсі Мантгомеры у серыяле «Пакуль круціцца свет».

У 1986 годзе вялікім касавым поспехам у ЗША карыстаўся фільм «Лепшы стралок», у якім галоўную ролю адыграў Том Круз. Мег у ролі жонкі другога лётчыка (Энтані Эдвардс) запомнілася ўсёй Амерыцы фразай: «Вазьмі мяне ці згубі назаўжды» (англ.: Take me to bed or lose me forever).

Сцэна з фільма «Калі Гары сустрэў Салі», у якой Гары і Салі сядзяць у рэстаране і Салі на спрэчку сімулюе аргазм, лічыцца адной з самых лепшых у кінематографе, а фраза «Мне — тое ж, што і ёй» (англ.: I’ll have what she’s having), сказаная наведвальніцай рэстарана пры выглядзе гэтай сцэны, займае 33-е месца ў спісе ста лепшых кінацытат у амерыканскім кіно.

Псеўданім Meg Ryan быў абраны як анаграма да слова Germany, улічваючы рэальнае памяншальнае імя Meg да Margaret.

Асабістае жыццё

14 лютага 1991 года Раян выйшла замуж за акцёра Дэніса Куэйда, з якім пачала сустракацца падчас здымак фільма «Мёртвы па прыбыцці». Іх сын, Джэк Генры Куэйд, нарадзіўся 24 красавіка 1992 года. У чэрвені 2000 года Куэйд і Раян абвясцілі аб расставанні[4]. Іх развод быў завершаны 16 ліпеня 2001 года.

У студзені 2006 года Раян удачарыла дзяўчынку з Кітая, якую назвала Дэйзі Тру (нар. 2004)[4].

З 2009 года, пасля няўдалай аперацыі на твары, амаль перастала здымацца ў кіно.

З 2010 года Раян знаходзіцца ў стасунках з музыкам Джонам Меленкампам. У лістападзе 2018 года пара абвясціла аб заручынах.

Фільмаграфія

Актрыса

Год		Беларуская назва	Арыгінальная назва	Роля
1981	ф	Багатыя і знакамітыя	Rich and Famous	Дебби, 18 лет
1982	с	Як круціцца свет	As the World Turns	Бецці Сцюарт Мантгомеры Андрапулас
1982	с	ABC Адмыслова пасля школы^[en]	ABC Afterschool Special	Дэніз
1982	с	Адзін з хлопцаў	One of the Boys	Джейн
1983	ф	Амітывіль 3-D	Amityville 3-D	Ліза
1984—1985	с	Чарлз у адказе	Charles in Charge	Меган Паркер
1985	с	Дзікі бок	Wildside	Кэлі Оакс
1986	ф	Лепшы стралок	Top Gun	Кэрал Брэдшоў
1986	ф	Узброены і небяспечны	Armed and Dangerous	Мэгі
1987	ф	Унутраная прастора	Innerspace	Лідзія
1987	ф	Далёкія мары	Promised Land	Беверлі «Беў» Сайкс
1988	ф	Мёртвы па прыбыцці	D.O.A.	Сідні Фулер
1988	ф	Прэзідыа	The Presidio	Дона Колдуэл
1989	ф	Калі Гары сустрэў Салі	When Harry Met Sally...	Салі Олбрайт
1990	ф	Джо супраць вулкана	Joe Versus the Volcano	ДзіДзі / Анжаліка / Патрыцыя
1991	ф	Дорз	The Doors	Памела Курсан
1990—1991	мс	Каманда ратаваннікаў Капітана Планеты	Captain Planet and the Planeteers	доктар Блайт
1992	ф	Прэлюдыя да пацалунка	Prelude to a Kiss	Рыта
1993	ф	Няспаныя ў Сіэтле	Sleepless in Seattle	Эні Рыд
1993	ф	Цела ад цела	Flesh and Bone	Кэй Дэвіс
1994	ф	Калі мужчына кахае жанчыну	When a Man Loves a Woman	Эліс Грын
1994	ф	Каэфіцыент інтэлекту	I.Q.	Катрына Бойд
1995	ф	Французскі пацалунак	French Kiss	Кейт
1995	ф	Каралеўская літасць	Restoration	Катарына
1996	ф	Мужнасць у боі	Courage Under Fire	капітан Карэн Эма Уолдан
1997	ф	Чмут кахання	Addicted to Love	Мэгі
1997	мф	Анастасія	Anastasia	Анастасія
1998	ф	Горад анёлаў	City of Angels	Мэгі Райс
1998	ф	Перапалох	Hurlyburly	Боні
1998	ф	Вам ліст	You've Got Mail	Кэтлін Кэлі
2000	ф	Адбой	Hanging Up	Іві
2000	ф	Довад жыцця	Proof of Life	Эліс
2001	ф	Кэйт і Леа	Kate & Leopold	Кейт Макей
2003	ф	Цёмны бок запалу	In the Cut	Фрэні Эверы
2004	ф	Насуперак лёсу	Against the Ropes	Джэкі Кален
2007	ф	У краіне жанчын	In the Land of Women	Сара Хардвік
2007	мс	Сімпсаны	The Simpsons	доктар Сўонсан
2008	ф	Пагадненне	The Deal	Дэйдра Херн
2008	ф	Новы хлопец маёй мамы	My Mom's New Boyfriend	Марці Дзюранд
2008	ф	Жанчыны	The Women	Мэры
2009	ф	Гэта развод!	Serious Moonlight	Луіза
2009	с	Суціш свой запал	Curb Your Enthusiasm	Мег Раян
2013	с	Інтэрнэт-тэрапія	Web Therapy	Карэн Шарп
2013	с	Інтэрнэт-тэрапія	Web Therapy	Карэн Шарп
2015	ф		Fan Girl	Мэры Фарроу
2015	ф	Ітака	Ithaca	місіс Маколей
2015	мф	Галаваломка	Inside Out	гідлівасць місіс Андэрсан
2021	с	Як я сустрэла вашага тату	How I Met Your Dad	апавяданнік

Прадзюсер

Французскі пацалунак (French Kiss, 1995) (прадзюсер)
Паўночнае ззянне (Northern Lights, 1997) (ТБ) (выканаўчы прадзюсер)
Аблудныя душы (Lost Souls, 2000) (прадзюсер)
Вясельны перапалох (The Wedding Planner, 2001) (выканаўчы прадзюсер)
Шаманы пустыні (Desert Saints, 2002) (прадзюсер)

Зноскі

↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #119306247 // Агульны нарматыўны кантроль — 2012—2016. Праверана 27 красавіка 2014.
↑ Meg Ryan // SNAC — 2010. Праверана 9 кастрычніка 2017.
↑ The International Who’s Who of Women 2006 — Routledge, 2005. — ISBN 978-1-85743-325-8
1 2 Памылка ў шаблоне: параметр title не зададзены.

Спасылкі

На Вікісховішчы ёсць медыяфайлы па тэме Мег Раян