wd wp Пошук: ⬜

Масіма Мараці

У Вікіпедыі ёсць артыкулы пра іншых людзей з імем Мараці. Масіма Мараці (італ.: Massimo Moratti; 16 мая 1945) — італьянскі нафтапрамысловец, суўладальнік заснаванай яго бацькам Анджэла Мараці карпарацыі Сарас С. П.А (Saras SpA), уладальнік і прэзідэнт (1995—2004 і з 2006 годзе футбольнага клуба «Інтэрнацыянале» (Мілан).

Сям’я

Масіма Мараці чацвёрты сын італьянскага прамыслоўца, уладальніка і прэзідэнта (1955—1968) «залатой эры» Інтэра Анджэла Мараці. Жанаты на Эміліі Бос, мае пяцярых дзяцей. Жонка яго брата Джанмарка, Летыцыя Мараці — мэр Мілана.

Інтэрнацыянале

За час кіраўніцтва Масіма Мараці футбольным клубам Інтэр, клуб станавіўся:

Уладальнікам кубка УЕФА 1998
чэмпіёнам Італіі 2006, 2007, 2008, 2009, 2010
Уладальнікам Кубка Італіі 2005, 2006, 2010, 2011
Суперкубка Італіі 2005, 2006, 2008, 2010
Пераможцам Лігі чэмпіёнаў УЕФА 2010
Чэмпіёнам свету сярод клубаў 2011

У цэлым дзейнасць Мараці як прэзідэнта Інтэра ацэньваецца вельмі неадназначна. З аднаго боку ён, без сумневу, заўзятар нумар адзін і моцна ўлюблёны ў сваю каманду. Ён ніколі нічога не шкадаваў для яе. Дзякуючы яму ў камандзе гулялі сусветныя зоркі — Раналда, Адрыяна Лейтэ Рыбейра, Крысціян Віера, Луіш Фігу, Хуан Себасцьян Верон. Але з іншага боку часцяком яго дзеяння выглядалі не зусім прафесійна. Куплі ігракоў за любыя грошы выглядалі вельмі хаатычна. З 1995 годзе ў Інтэр было ўкладзена ад 750 да 900 мільёнаў еўра. Часам купляліся ігракі, якія зусім не пасавалі камандзе, і, наадварот, прамым канкурэнтам аддаваліся ігракі, якія вельмі ўдала раскрываліся на новым месцы (Андрэа Пірла, Кларэнс Зэедорф).

Гэтак жа, вельмі часта не ўдавалася Мараці спрацавацца з трэнерамі. Поспехі, такія як Раберта Манчыні або Жазэ Маўрынью, суседнічалі з праваламі — Марчэла Ліпі або Эктар Купер.

Зноскі

Спасылкі

На Вікісховішчы ёсць медыяфайлы па тэме Масіма Мараці