Марыя Уладзіміраўна Кажына (нар. 23 мая 1965, г. Масква, Расія) — беларускі урач-акушэр-гінеколаг. Доктар медыцынскіх навук (2005), прафесар. Член Берлінскага таварыства акушэраў-гінеколагаў, Еўрапейскай асацыяцыі гінеколагаў-эндакрынолагаў, Еўрапейскага таварыства кантрацэпцыі і рэпрадуктыўнага здароўя.
Скончыла Гродзенскі дзяржаўны медыцынскі інстытут (1991; аспірантура, 1994).
Працавала ў Гродзенскім дзяржаўным медыцынскім універсітэце (з 1991, лячэбны факультэт, кафедра акушэрства і гінекалогіі, прафесар).
Навуковыя інтарэсы: запаленчыя захворванні жаночых органаў малога таза; аперацыйная гінекалогія.
Стыпендыя Прэзідэнта Рэспублікі Беларусь (1998, 2000).