У Вікіпедыі ёсць артыкулы пра іншых асоб з прозвішчам Станкевіч. У Вікіпедыі ёсць артыкулы пра іншых асоб з прозвішчам Новакава. Марыя Станке́віч (дзяв. Но́вакава; 20 кастрычніка 1900 — 11 мая 1983) — беларуская грамадская дзяячка чэшскага паходжання. Жонка Яна Станкевіча.
Нарадзілася 20 кастрычніка 1900 г. у в. Чэшскім Бродзе (чэшск.: Český Brod) у Аўстра-Венгрыі.
У 1922 г. скончыла Каледж Васара ў Нью-Ёрку, потым Карлаў універсітэт у Празе. Недзе ў той самы час пабралася шлюбам з Янам Станкевічам, які таксама вучыўся ў Празе. У 1926 г. разам з мужам пераехала ў Вільню.
Падчас Другой сусветнай вайны у часе нямецкай акупацыі ў 1941—1945 гг. разам з сынамі жыла ў Празе, пазней у лагерах для перамешчаных асобаў у Германіі. Брала ўдзел у працы розных беларускіх арганізацый, выкладала ў беларускай гімназіі імя Янкі Купалы.
У 1949 г. з сям’ёй пераехала ў ЗША. Была сябрам Беларуска-Амерыканскага задзіночання, некаторы час была кіраўніцай жаночай секцыі арганізацыі. Аўтарка кнігі «Вялікалітоўская кухарка» (Нью-Ёрк, 1959, англамоўнае выданне «Greatlithuanian (Byelorussian) Cookbook» — Нью-Ёрк, 1972).
Памерла 11 мая 1983 г.[2] Пахаваная ў Іст-Брансуіку на могілках царквы Жыровіцкай Божай Маці БАПЦ.
Жонка Яна Станкевіча, маці Вячкі, Богуша і Юркі Станкевічаў.