Марыя Васількаўна (1130-я — пасля 1194) — полацкая княжна.
Дачка кн. полацкага Васількі Святаславіча, праўнучка Усяслава Полацкага. У 1143 г. выдана замуж за Святаслава Усеваладавіча, з 1180 г. вял.кн. кіеўскага. З летапісаў вядомая толькі як Васількаўна або жонка Святаслава, імя Марыя згадваецца ў Любецкім сінодыку. Марыя мела вялікі ўплыў на мужа, так у 1180 г., толькі па яе і княскага ўлюблёнца Качкара радзе, Святаслаў задумаў паход супраць кн. Давыда і Рурыка Расціславічаў. Перажыла мужа, памерлага ў 1194 г.
Паводле меркавання А. В. Салаўёва, з Марыяй звязаная вялікая ўвага аўтара «Слова пра паход Ігараў» да полацкай гісторыі[3], да меркавання таксама далучыўся Л. Я. Махнавец. Л. Я. Махнавец лічыць Марыю адным з інфарматараў аўтара «Слова…», так у «Слове…» згадваюцца браты Марыі, у т.л. невядомыя крыніцам Усевалад і Ізяслаў Васількавічы і звесткі пра гібель апошняга[4]. Г. В. Сумарокаў наогул лічыць Марыю аўтарам «Слова…»[5].