Марыя Іванаўна Бабанава (11 лістапада 1900 — 20 сакавіка 1983) — савецкая актрыса тэатра і кіно. Лаўрэат Сталінскай прэміі другой ступені (1941), Дзяржаўнай прэміі РСФСР імя К. С. Станіслаўскага (1972). Народная артыстка СССР (1954).
У 1920-27 працавала ў 1-м Тэатры РСФСР (пазней Тэатр імя Меерхольда). Ролі: Стэла («Вялікадушны раганосец» Крамелінка), Мар’я Антонаўна («Рэвізор» Гогаля) і інш. Адначасова ўдзельнічала ў спектаклях Тэатра Рэвалюцыі, дзе грала ролю Паліны («Прыбытковае месца» Астроўскага у пастаноўцы У. Э. Меерхольда). У 1927 канчаткова перайшла ў трупу Тэатра Рэвалюцыі (цяпер Маскоўскі тэатр імя Маякоўскага).