Малое Астраўлянскае — возера ў Гарадоцкім раёне Віцебскай вобласці, за 12 км на паўднёвы захад ад горада Гарадок, каля вёскі Астраўляне, у басейне ракі Усыса.
Плошча паверхні 0,06 км². Даўжыня 0,35 км, найбольшая шырыня 0,22 км. Даўжыня берагавой лініі 0,92 км.
Схілы катлавіны вышынёй да 5 м. На паўднёвым захадзе ўпадае ручай, на паўночным усходзе выцякае ручай у Вялікае Астраўлянскае возера.