Мала-Крастоўскі мост — аўтадарожны арачны мост цераз Крастоўку ў Петраградскім раёне Санкт-Пецярбурга. Злучае Каменны і Крастоўскі востраў. Адзін з найбольш яркіх прыкладаў архітэктуры мастоў 1960-х гадоў у Ленінградзе. Аб’ект культурнай спадчыны Расіі рэгіянальнага значэння.
Размешчаны па восі праспекта Дынама. Найбліжэйшыя станцыі метрапалітэна — «Крастоўскі востраў» (≈1500 м), «Чкалаўская» (≈1700 м).
З 1836 года мост называўся Крастоўскім або Каменна-Крастоўскім — ад астравоў, якія ён злучаў. З 1860 года мост пачаў называцца Малым Крастоўскім (Вялікім Крастоўскім стаў мост цераз Малую Неўку). З 1920-х гадоў за мостам замацавалася сучасная назва.