У Вікіпедыі ёсць артыкулы пра іншых асоб з прозвішчам Скрыганаў.
Макс́ім Пятр́овіч Скр́ыганаў (19 лютага 1892 — 24 лютага 1951) — савецкі военачальнік беларускага паходжання, контр-адмірал (1940 год).
Скончыў школу юнг (1914), мінна-машынную школу (1915), вучэбны атрад падводнага плавання (1916), Ваенна-марское вучылішча (10.1918-08.1923), Спецыяльныя курсы каманднага складу ВМС РСЧА (02.1924-02.1925), курсы Ваенна-палітычнай акадэміі імя М. Г. Талмачова (1929), курсы ўдасканалення каманднага складу Ваенна-марской акадэміі імя К. Я. Варашылава (1931).
Праходжанне службы: унтэр-афіцэр 1 стацці ПЛ «Барс», «Кугуар» (1916-1918), мінны машыніст брыгады ПЛ (1918) Балтыйскага флоту, памочнік вахтавы начальніка лінейнага карабля «Парыжская Камуна» (08.-12.1923), мінёр ПЛ «Рысь» / «Бальшавік» (12.1923-02.1924), «Ёрш» / «Працоўны» (02.-04.1925), старшы памочнік камандзіра ПЛ «Рысь» / «Бальшавік» (04.1925-01.1926), камандзір ПЛ «Тур» / «Таварыш» (01.1926-02.1929), «Л-1» / «Ленінец» (02.-11.1929), камандзір дывізіёна ПЛ (11.1929-10.1933) Марскіх сіл Балтыйскага мора, камандзір асобнага дывізіёна ПЛ Паўночнай ваеннай флатыліі (10.1933), камандзір дывізіёна ПЛ (11.1933-03.1937), камандзір 4-й брыгады ПЛ (03.1937-05.1938), памочнік камандуючага Ціхаакіянскім флотам па матэрыяльна-тэхнічным забеспячэнні (05.1938-06.1939), камандзір вучэбнага атрада падводнага плавання імя С. М. Кірава (09.1939-02.1951).