Мака́раўскае — возера ў Лепельскім раёне Віцебскай вобласці Беларусі, за 24 км на паўночны ўсход ад горада Лепель, каля вёскі Макараўшчына, у басейне ракі Тураўлянка.
Плошча паверхні 0,23 км². Даўжыня 0,94 км, найбольшая шырыня 0,38 км. Найбольшая глыбіня 13,3 м, сярэдняя — 5,3 м. Даўжыня берагавой лініі 2,16 км. Аб’ём вады ў возеры 1,22 млн м³. Плошча вадазбору 7,32 км².
Катлавіна возера выцягнутая ў напрамку з захаду на ўсход. Схілы катлавіны вышынёй 10—22 м (на поўдні 6—8 м), разараныя, у ніжняй частцы пад хмызняком. Берагі зліваюцца са схіламі, на ўсходзе і захадзе нізкія, пясчаныя, пад хмызняком, на поўначы на невялікіх участках сплавінныя. На захадзе забалочаная пойма шырынёй да 70 м. Дно да глыбіні 1,5 м пясчанае, ніжэй — сапрапелістае. Возера зарастае ўздоўж берагоў да глыбіні 2,7 м. Пратокай ў паўднёвай частцы злучаецца з возерам Мелкае.
Блакiтная кнiга Беларусi: энцыкл. / Рэдкал.: Н. А. Дзiсько i iнш. — Мн.: БелЭн, 1994. — 415 с.
Природа Белоруссии: Популярная энциклопедия / Редкол.: И. П. Шамякин (гл. ред.) и др. — 2-е изд. — Мн.: БелСЭ, 1989. — С. 184. — 599 с. — 40 000 экз. — ISBN 5-85700-001-7.(руск.)
Республика Беларусь. Витебская область. Лепельский район: карта. Лепель: план. — Мн.: Белкартография, 2009. — Доп.тираж 3 000 экз.(руск.)
Беларусь. Ушачско-Лепельский озёрный край: карта для рыбака / Ред. С. Н. Саратова. — Мн.: Белкартография, 2009. — 3 000 экз.(руск.)
Ліст карты N-35-34. Выданне 1987 г. Стан мясцовасці на 1984 г.(руск.)