wd wp Пошук: ⬜

Майсей Якаўлевіч Грынблат

У Вікіпедыі ёсць артыкулы пра іншых асоб з прозвішчам Грынблат. Майсей Якаўлевіч Гры́нблат (29 сакавіка 1905, Мінск — 4 ліпеня 1983) — беларускі этнограф, фалькларыст, гісторык. Кандыдат гістарычных навук (1945).

Біяграфія

Скончыў у 1930 годзе Ленінградскі ўніверсітэт. Працаваў акцёрам у трупе Уладзіслава Галубка (1921—1925). З 1930 года ў АН Беларусі, у Інстытуце гісторыі (1931—1941; 1945—1956) і Інстытуце мастацтвазнаўства, этнаграфіі і фальклору (1957—1976), адначасова выкладаў у Мінскім педагагічным інстытуце (1937—1941) і БДУ (1939—1941, 1945—1955).

Навуковая дзейнасць

Даследаваў духоўную і матэрыяльную культуру, грамадскі побыт, этнагенез беларусаў, бібліяграфію беларусазнаўства. Адзін з аўтараў даследавання «Беларуская народная вусна-паэтычная творчасць» (1967), нарыса «Беларусы» ў кнізе «Народы Еўрапейскай часткі СССР» (т. 1, 1964). Склаў зборнік фальклору «Песні беларускага народа» (т. 1, 1940), «Радзінная паэзія» (1971), «Загадкі» (1972, з А. І. Гурскім), «Прыказкі і прымаўкі» (кніга 1—2, 1976), «Выслоўі» (1979).

Творы

Адзін з аўтараў двухтомнай (Т.1, 1961) і пяцітомнай (Т.1, 1972) «Гісторыі Беларускай ССР».

«Краязнаўчыя музеі і вясновая пасяўная кампанія» (1932)[1]
«Сталін у яўрэйскай народнай творчасці» (1939, складальнік)[1]
«Песні беларускага народа» (1940, Т.1, рэдактар[2], складальнік[1])
«Беларуская народная архітэктурная разьба» (1958, рэдактар)[1]
«Беларускія народныя песні» (1959, рэдактар)[1]
«Белорусы: Очерки происхождения и этнической истории» (1968)[3]
«Праблемы сучаснага беларускага фальклору» (1969, рэдактар)[1]
«Сказки народов СССР» (1970, складальнік)[3]
«Беларуская этнаграфія і фалькларыстыка» (1972)[2]
«Загадкі» (1972, складальнік)[2]
«Зімовыя песні: калядкі і шчадроўкі» (1975, рэдактар)[2]
«Прыказкі і прымаўкі: у 2 кн.» (1976, складальнік)[1]
«Этнаграфічны зборнік (даклады аддзялення этнаграфіі і Геаграфічнага таварыства Беларускай ССР)» (1975, рэдактар)[2]
«Выслоўі» (1979, складальнік)[1]
«Вяселле: песні» (кн. 1, 1980, рэдактар)[1]
«Вяселле: песні» (кн. 2, 1981, рэдактар)[2]
«Вяселле: песні» (кн. 3, 1983, рэдактар)[1]

Пераклады

Вітаўтас Місявічус. «Мядзведжая акадэмія» (1988, пераклад з літоўскай)[2]

Зноскі

1 2 3 4 5 6 7 8 9 10 a001=“BY-SEK-609084”(руск.) . Сводный электронный каталог библиотек Беларуси. Нацыянальная бібліятэка Беларусі. Праверана 24 кастрычніка 2016.
1 2 3 4 5 6 7 a001=“BY-SEK-609084”(руск.) . Сводный электронный каталог библиотек Беларуси. Нацыянальная бібліятэка Беларусі. Праверана 24 кастрычніка 2016.
1 2 a001=“BY-SEK-333533”(руск.) . Сводный электронный каталог библиотек Беларуси. Нацыянальная бібліятэка Беларусі. Праверана 24 кастрычніка 2016.

Літаратура

А. С. Ліс. Грынблат Майсей Якаўлевіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1997. — Т. 5: Гальцы — Дагон. — 576 с. — 10 000 экз. — ISBN 985-11-0090-0 (т. 5), ISBN 985-11-0035-8.
Список основных работ М. Я. Гринблата // Сов. этнография. 1976. № 2.

Спасылкі

Грынблат Майсей (Міхаіл) Якаўлевіч на сайце анлайн-энцыклапедыі «Беларусь у асобах і падзеях»