.mw-parser-output .ts-wikidata-positions-uppercasefirst a,.mw-parser-output .ts-wikidata-positions-uppercasefirst span.iw{display:inline-block}.mw-parser-output .ts-wikidata-positions-uppercasefirst a::first-letter,.mw-parser-output .ts-wikidata-positions-uppercasefirst span.iw::first-letter{text-transform:capitalize}
Лі Ван Ку (кар. 이완구, 李完九; 16 ліпеня 1950 — 14 кастрычніка 2021) — паўднёвакарэйскі палітык, прем’ер-міністр Рэспублікі Карэя ў 2015 годзе.
Атрымліваў адукацыю ва Універсітэце Сонгюнгван. Працаваў ва Упраўленні эканамічнага планавання (сучаснае міністэрства стратэгіі і фінансаў). Сваю палітычную дзейнасць пачаў у 1996 годзе. У тым жа годзе быў абраны ў Нацыянальную асамблею. У 2006 годзе яго абралі на пасаду губернатара правінцыі Паўднёвая Чхунчхон. У 2013 годзе зноў стаў членам парламента. У маі 2014 года быў абраны старшынёй фракцыі палітычнай партыі «Сенуры» ў Нацыянальнай асамблеі.
У лютым 2015 года прызначаны на пасаду старшыні ўрада[2]. Зрэшты ўжо ў канцы красавіка 2015 года выйшаў у адстаўку ў сувязі з абвінавачваннямі ў хабарніцтве[3]. У наступным годзе ён быў прызнаны вінаватым у незаконным атрыманні сродкаў і прыгавораны да 8 месяцаў зняволення[4].