Лілія Сямёнаўна Кучур (7 верасня 1936, в. Уласы, Баранавіцкі раён — 5 красавіка 2004) — беларускі палявод, Герой Сацыялістычнай Працы, дэпутат Вярхоўнага Савета БССР (1975—1980).
З 1951 года — палявод, з 1965 года — звеннявая льнаводчага звяна калгаса «Перамога» Баранавіцкага раёна. За поспехі ў павелічэнні вытворчасці і продажы дзяржаве льну 12 снежня 1973 года прысвоена званне Героя Сацыялістычнай Працы.
Дэпутат Вярхоўнага Савета БССР у 1975—1980 гадах.
Узнагароджана залатым медалём «Серп і Молат» і ордэнам Леніна[1].