Ля́дня[1] — рака ў Мсціслаўскім і Горацкім раёнах Магілёўскай вобласці Беларусі, правы прыток ракі Рамясцвянка (басейн Дняпра).
Даўжыня ракі 13 км[2]. Плошча вадазбору 36 км². Сярэдні нахіл воднай паверхні 2,8 ‰. Пачынаецца на мяжы з Расіяй за 3 км на паўночны ўсход ад вёскі Малая Рубанаўка Мсціслаўскага раёна, вусце на заходняй ускраіне вёскі Буда Горацкага раёна. Цячэ ў межах Горацка-Мсціслаўскай раўніны. Рэчышча каналізаванае на 3 участках: ад вытоку на працягу 2,2 км, каля вёскі Вялікая Рубанаўка (0,3 км) і каля вусця на працягу 2,1 км. Асноўны прыток — Рухва (злева).